terça-feira, junho 28, 2005

Acabou a peste Fraga

Tiveron que pasar 16 anos para que puideramos ver esta estampa. Fraga, por fin, deixará o seu despacho da Xunta para que outra persoa, Touriño, a colla.
Foron 16 anos de despotismo e Goberno autoritario. Foi o que unha vez Beiras cualificou do desembarco da Peste Fraga. Rematou.
Agora só nos queda agardar que o Goberno de socialistas e nacionalistas o fagan ben. A NADA QUE SE ESFORCEN CONSEGUIRANO.

sábado, junho 25, 2005

Falta un día

Hoxe é sábado. Acabo de rematar unha páxina de Betanzos e a súa comarca, o xornal no que estou traballando, e decateime de que só faltaban unhas horas para que se coñecese o resultado do reconto dos votos da emigración. Foi unha semana de tensión na que, tanto uns coma os outros, viviron con incerteza o futuro. Galiza cambiará o partido no poder e será posible por primeira vez un goberno de esquerdas? Ou o voto emigrante dará continuidade a 16 anos de Fraga? Eu tampouco son alleo a este nerviosismo. Os meus comentarios en Vieiros cada día intentaban ofrecer a miña opinión ao resto dos internautas. Uns foron ben recibidos, outros non tanto. Pero o que sen dúbida ningunha se podía ver, era o estado de nerviosismo de todos os participantes. Houbo críticas para todos. Non quedou unha cabeza sen cortar. Foi unha semana terrible. Mañá a estas horas estaremos moi próximos de coñecer o resultado. Espero que os votos da emigración non axuden a cambiar o que o pobo soberano de Galiza xa dictaminou: «QUEREMOS UN GOBERNO DE PROGRESO» «ACABOU A ERA FRAGA» «NECESITAMOS VARIAR O RUMBO E ACREDITAR NAS POSIBILIDADES DO PAÍS». Todos estes pensamentos circulan pola rede e polos máis de 100.000 galegos que votaron polo cambio. Galiza merece unha oportunidade. É hora de que poidamos poñela en práctica. O noso futuro depende diso.

segunda-feira, junho 20, 2005

O voto emigrante

37-25-13 e un escano que pode mudar un cambio: o voto da emigración. Xa que os galegos fomos, e van 5, o suficientemente tontos de lle dar a un ditador ( si ditador, misóxino e antidemocrático) 700.000 votos e que poida conseguir unha maioría absoluta, deixamos unha vez máis (van unhas cantas) a decisión do noso goberno en mans doutros (quizais tan galegos coma nós, iso non o discuto, pero que descoñecen a realidade de Galiza). Isto como non podería ser doutro xeito é completamente de vergoña. Vergoñento que un vello de 82 anos volva conseguir ese número de votos. Vergoñento que, dunha vez por todas, non apostaramos polo cambio. Vergoñento que sigamos ancorados en pensamentos decimonónicos. Vergoñentos que non acreditemos no País. Vergoñento...
Aínda que finalmente o goberno recaia en mans progresistas, o resultado non deixa de ser vergoñento. Unha vez máis demos a visión dun pobo atrasado que non se sabe adaptar aos tempos modernos. Un pobo medoñento do futuro. Un pobo que non se sabe liberar dos seus pantasmas. Perdemos outra oportunidade. Outros catro anos. Perdemos o penúltimo tren da modernidade. Só desexo que esta decisión non nos pese demasiado.
A ALBA DE GRORIA TERÁ QUE AGARDAR.

sexta-feira, junho 17, 2005

Fraga en estado puro

Quero, a dous días das votacións máis importantes da historia de Galiza, deixar un enlace dunha gravación realizada a Fraga nun programa de A3. Con el demostra o grande líder e mellor persoa que é. Hai que velo.
Que Deus nos colla confesados se volve gañar!!!!!!!