Crónica dunha morte anunciada

Fonte: www.lavozdegalicia.es

O derbi de onte amosou o que os meus temores xa prognosticaban: a derrota do Deportivo. O equipo branquiazul, sen ideas e falto de remate, viu como se lle esfumaba a súa case derradeira oportunidade para conseguir un posto para a competición europea da UEFA. O Celta, cun fútbol en moitas ocasións rácano e conformista, deu un paso de xigante para a súa consolidación nos postos europeos. Once anos sen coñecer a vitoria en Riazor. Maior pegada e menor necesidade amosou o cadro de Fernando Vázquez. Agora, agardemos que non sexa demasiado tarde e que os dous equipos do País consigan un posto en Europa.

Un blog anovado

O meu querido amigo Pepe decidiu con bo criterio anovar o deseño do seu blog. Beizóns para a súa nova etapa. Temos de o seguir con interese.

O momento de demostrar

É o momento de demostrarmos quen somos! Somos galegos! E ninguén nos vai dicir que non.Por iso espero que o domingo todos os galegos deamos unha imaxe de pobo que até o de agora non demos.

Un grato achado

Hoxe, sen premeditación, introdución no novo oráculo de Delfos o nome do meu blog. Mentres agardaba que saíse o link para este blog, atopei que era un dos escollidos para falar das bitácoras feitas en galego. Incríbel. Un desde a súa modestia non agarda que esta fiestra sexa lida por moitos máis que familiares e coñecidos. Déixovos uns enlaces para que poidades procurar aqueles que vos interesen.
http://dmoz.org/World/Galego/Informática/Internet/Weblogs/
http://www.blog-site.org/dir/World/Galego/Inform%C3%A1tica/Internet/Weblogs/index.cgi
E especialmente interesante este:
http://calidonia.blogspot.com/ que fai unha análise exaustiva de todos os blogs que en Galiza existen. Moi recomendábel.

Un mundo tolo

Estes días asistimos estupefactos a varios acontementos mundiais. Por un lado, a crise nuclear de Irán que semella que nos vai sumir a todos nunha próxima guerra global. Por outro, o petróleo a marcar máximos históricos: 74 dólares o barril. Cunha crise dos combustibles en cernes, unha época de caos está próxima. Cales serán as posibles solucións para estes problemas? Guerra preventiva «como o iluminado de George Bush pretende» e que provocaría que o prezo do cru se establecese posibelmente nos 100 dólares? Rearme global e nova guerra fría? A esquerda mundial ten un novo reto. De lle dar solución depende en grande medida a supervivencia do planeta. Só espero que outro erro como o de Irak non se produza.

A miña desaparición

Ai un tempo que levo desaparecido do blog. O meu traballo en Henkel e, por outro lado, a tradución do libro de Javier Sierra La Cena Secreta como traballo de fin de máster non me permitiron que comentase nada. Tamén hei de recoñecelo, levo unha tempada na que non creo que poida escribir nada o suficientemente interesante como para que sexa comentado. Espero que, cando tiver tempo, poida volver a este mundo e comentar aquilo que pareza máis importante.