Galiza como proxecto

Fonte: Gzvideos

Galiza continúa invicta

Fonte: lavozdegalicia.es

A selección galega de fútbol masculina continúa invicta despois de derrotar nun partido disputado no estadio de Riazor ao combinado de Irán polo resultado de 3 goles a 2. Destacadísima foi a actuación do xogador do Glasgow Rangers, Nacho Novo, que materializou 2 dos tres tantos da selección irmandiña. 

O partido foi seguido por uns 15.000 espectadores que animaron en todo momento á nosa selección.

O encontro de hoxe amosou, unha vez máis, o alto nivel dos xogadores galegos. Agardemos que esta selección continúe en anos vindeiros a súa existencia.

Elección 9 marzo 2008

Vía Brétemas coñezo esta aplicación web. A ver que deparan as eleccións para o nacionalismo galego.

Cincuenta e un millóns de motivos para pensar o noso voto

As eleccións do 9 de marzo van representar un momento definitivo sobre o que Galiza vai facer co seu futuro. Albíscanse dúas opcións: continúar votando aos partidos de carácter estatal, que prometen, prometen, prometen, pero que o AVE continúa sen chegar, ou decidírmonos dunha vez por mirar cara a nós mesmos e apoiarmos decididamente a un partido que, aínda que moitos criticaron, conseguiu un fito histórico: Cobrar do Estado 51 millóns de euros da débeda histórica en materia social. Chámaronos «pedigüeños», pero amosaron que unha forza que so se debe a Galiza conseguiu o que «outros» en 30 anos de democracia non fixeron. O noso voto decidirá o noso futuro. Xa é hora de apostarmos polo noso. A historia débenolo.

A NACIÓN GALEGA

Nestes días, vimos de asistir estupefactos ás declaracións verquidas polo dirixente do PP en Madrid, Mariano Rajoy, polas que se nega a recoñecer o carácter nacional de Galiza. Lanza, pois, un órdago ao que a sociedade galega, se se considerar madura, non pode máis que responder cun «Galiza nación» ás bravuconadas do dirixente popular. O noso futuro depende diso. Agardemos que, por unha vez,  saibamos estar á altura do que o país precisa de nós e non lle deamos as costas ao noso futuro.